Herman Lensing se "Soort-van-Paptert" Resep

Hierdie is Herman Lensing se nuwe manier van paptert maak. Dis minder soet as wat tradisioneel gemaak word en is die perfekte bykos vir ‘n braai! Geniet dit saam met De Grendel Amandelboord Pinotage.

Genoeg vir 6-8

Bestandele:

• 750 ml water
• 500 ml mieliemeel
• 30 ml botter
• sout en varsgemaalde swartpeper
• 2 x 410 g blikke chakalaka
• 250 ml room
• 200 g cheddar kaas, gerasper
• 500 g boere wors vir voorsit 

Metode:

Verhit oond tot 180 C. Meng water en mieliemeel saam tot gladde mengsel. Gooi mengsel in medium groot pot en verhit oor hoë hitte terwyl jy roer met houtlepel. Hou aan roer tot pap dik mengsel vorm.

Geur met sout en peper. Maak pot toe met deksel en stel stoof op laagste hitte moontlik. Laat stoom pap vir 10 minute. Verwyder van hitte en laat afkoel tot louwarm.

Skep lepels vol van die pap en rol balle. Skep chakalaka in oondroosterbak van sowat 30 cm in deursneë. Pak pap balle in sous. Gooi room oor. Sprinkel kaas oor en bak tert vir 20-25 minute of tot goudbruin kaas kors vorm.

Sit warm voor saam met braaivleis en De Grendel Amandelboord Pinotage.